احدر أن تنفجر عليك قنبلة الضحك

اليوم جايبلكم مجموعة من النكت وان شاء الله تعجبكم

يلا نبدأ

-المعلم للتلميذ : لوكان خيروك تختار العقل و لا الدراهم وش تختار. الطالب :نختار الدراهم! ,
المعلم : لوكان انا نختار العقل. التلميذ : كل واحد يختار اللي ناقصو !!:_

-مرة طيارة ركاب كبيرة سقطت في مقبرة .... وقد استخرج 75240 جثه وما زال البحث جاريا حتى الان:_
-مهبووووول طاح من باطيمة دارو بيه الناس و سقساوه: وش صرا ...وش صرا؟

قالهم: الله اعلم، هذا وين وصلت...ههههههه:

-زرافة و سلحفة يمشو في الصحرا وكانواعطشانيين ياسر ...شوية ولقاو قرعة كوكا باردة و مغلوووووقة .فرحواوقعدوا يشوف فيها ...الزرافة تفكرت بلي ما عندهمش الفتاحة قالت للسلحفاة : اسمعي ..انتي روحي للفيلاج تجيبى الفتاحة وانا نستناك نعسك القرعة. السلحفاة قاتلها وانا واش يضمني؟الزرافة حلفتلها ما تفتحهاش الا اذا رجعت . المهم الزرافة قعدت تستنا ساعة..واحد ما جى! ..ساعتين..كيفكيف…يوم يومين اسبوع اسبوعين والزرافة واقفة رايحة تموت خلاص….بعد سنة الزرافة قالت لروحها انا مش رايحة نستناها طول عمري...خلاص مابقاش صبر …وراحت تفتح القرعة بسنانها .قبل ما تفتحها خرجت السلحفاة مورا الشجرة: شفتي؟؟؟؟ لوكان رحت ..كنت تشربيها وحدك!!!...كخكخكخكخكخ:_:

-حكم ساحة دخل الملعب ملقاش حكام الخطوط ..
راح يدور عليهم .. لقا زوج برّا ..
عطالهم العلامات وحطهم في أماكنهم في الملعب
وقال لهم : اذا شفتو فوت "خطأ" ارفعوا العلام ..
بدت الماتش .. الجمهور تضاربو مع بعضاهم
رفع واحد من الحكام العلام ...جاه حكم الساحة
قالو :علاه رفعت العلام ؟
قال : هاذاوك اللي فوق تضاربو !
قاله : خاااااااااطيك اللي لفوق انت شوف اللي راهم في الصطاد برك !
وكملو اللعب و من بعد الحكم الزاوج رفع العلام !
وجاه حكم الساحة وقاله : وش كاين؟
قاله : آآآآ صاحبي وش كان يقولك....هههههههههههههههه:_:

-هدا واحد الراجل صحيييح دايما كيمشي عند البقال و كيقول له :اعطيني كوكا ولا .....؟ و البقال كيخاف منه و كيعطيهالو بلا فلوس
جا واحد النهار البقال طلع ليه الدم و قال مع راسو و الله اليوم ما نخاف منه و اللي بغا يكون يكون . ايوا جا عنده ديك الراجل و قال له عطيني كوكا ولا ...؟
جا البقال رد عليه :ولا شنو ؟؟؟؟ رد عليه الراجل و قال له: ولا بيبسي:_:

-هادو 2 دراري تعطلو على المدرسة ,و قال ليهم المعلم : علاش تعطلتو ؟
قال ليه واحد راه طاحت ليا ألف(10 دراهم) , و هو يقول ل تاني: و نتا مالك
قال ليه: كنت داير رجلي عليها :_:

-محشش اشترى لأمه عصفورين!! واحد يغرد والثاني ساكت..
سألته أمه ليش الثاني ساكت؟! قالها:
هذا الملحن!! :_:

***ونزيدكم هدو نكت جزائرية***

*قالك مرة واحد ديما تسقسيه صاحبتو: واش تغديت? يقولها: لوبيا .ديما هكا واحد النهار قالوا صاحبوا: اكذب شوي قولها تغديت شواء . كليت كفتة . تغديت بيتزا .....
ايا هذاك خدمتلوا قال و الله عندو الحق . الغدوى هذيك سقساتوا صاحبتوا: واش تغديت ? قالها :بــيــتــزا قاللتلوا :واش مليحة (بنينة)? قالها : و الله كليت 2 مغارف شبعت:_:

*قالكم مرة كاين واحد الشايب مريض قريب يموت وهو على الفراش عيط لاولادو باه ينصحهم وقالهم كل واحد يجيب معاه عصا صغيرة

ايا دارو عليه ولادوا وجابوا معاهم العصي عطا الشايب لواحد من ولادو 2 عصيات وقالوا كسرهم ايا ولدوا حكم كسرهم زاد عطالو 3 زاد كسرهم وبقى يزيدلوا حتى
وصل ل 9 عصيات قالوا هاك كسرهم قالك حكمهم الطفل هذاك زاد كسرهم !!!شاف فيهم باباهم وقالهم: روحوا يا ولادي مدام معاكم الجحش هذا ما نخافش عليكم:_:

*قالك مرة وحد الراجل متزوج زوج نسا وحدة من ولاية ......ووحدة من ولاية...... وهوما ماشيين طريق طاحتلو السيارة اونبان. نزلت الاولى وقالتلو شوف بالاك لابوجي بالاك
الموتور بلاك...بالاك..بالاك...قالت الثانية كيفاه هذي تفهم خيرمني زعما تفهم في كلش راحت للراجل وقالتو ..يا راجل شوف شوف بالاك نسيت البرمي علابيها طاحة اومبان:_:

*قالكم كاين واحد عندو الغنم بزاف بزاف بصح ما يصليش واحد المره جاه الامام
تاع المنطقة نتاعو وقالوا انت لوكان تزيد تصلي الغنم نتاعك يوليو الضعف
مالا هذاك السيد داه الطمع و عاد يصلي باه يزيد العدد نتاع الغنم وكل مرة يصلي يموتلوا
4ولا5والسيد صابر يقول ضرك يزيدو ضرك يزيدو حتى بقى ليه كبش واحد
فات عليه والكبش يقول بع بع بع بع بع بع بع ما حبش يسكت
دار عندو السيد وقالوا :بلع علي فمك تزيد تهدر نصلي عليك 2 ركعات نجيبك ميت:_:

*قالك مرة سائق الحافلة دار اغنية التيتانيك
ايا بداو الركاب يطيشوا رواحهم بانتلهم راح يغرق الbus ::

*قالك واحد جزائري لقى وحدة مصرية قالها واش دايرة في حياتك
قالتلوا :انا بقرا(أقرأ) في الكلية (باللهجة المصرية)
قالها :وانا ثور في السوناطراك:_:

*قالك جماعة ....... لعبوا لعبة الاختفاء من 1962مازادوش ظهروا:001_:

*قالك مرة واحد حلم فالمنام الحمار نتاعوا يهدر معاه قالوا روح تحت الشجرة تلقلى 20 مليون
اديهم و اعطي للقاضي 5 ملايين بشرط كي تلقاني ميت ادفني فالمقبرة نتاع العباد
فاق السيد من الحلم و ما صدقش راح تحت الشجرة لقى 20 مليون دينار زاد رجع للدار لقى الحمار ميت
ايا بدا ينفذ وصية الحمار و دفنوا فالمقبرة نتاع العباد سكان المدينة رفضوا هاذ الشىء و شكاو بيه للقاضي ناداه القاضي و قالوا واش بيك تدفن الحمار نتاعك مع الموتى نتاعنا حكالوا السيد الحلم وقالوا راني لقيت 20 مليون والحمار راه وصاني وقالي مد 5 ملاين للقاضي
القاضي ما صدقش و قالوا واش قال المرحوم؟:

*قالك وحد الخطرة وحد السيد اشرى كبش العيد قبل عيد الاضحى بشهرين امالا كانت العائلة كلها تدلل فيه وتلعب معاه حتى انه ياكل معهم و ينام معهم في المنزل و عشية
عيد الاضحى راح الكبش جبد روحو على العايلة و بدى يبكي جات العايلة سالتو واشبيك تبكي قالهم " قعدنا بلا عيد الناس اكل شراو الكباش غير احنا ":

*واحد دخل للملعب وهاز في يدو مغرف علاه؟..............................حاب يحرك اللعب:_

*كان يشاتي في الانترنيت مع فتاة قالها كيفاه اسمك كتبتلو فاطمة و حطت قدامها وردة يعني (فاطمة الزهراء) هو واش كتبلها ......le pere vendredi (اسمه بو جمعة):_:

*قالك زوج دخلوا للمطعم واحد غني و الخر فقير الغني طلب اكلة باللحم والفقير طلب صحن من الفول ايا الفقير بدا ياكل بسرعة شاف فيه الغني و قالوا قول بسم الله باش ما يكلش معاك الشيطان دار عندوا الفقير وقالوا واش بيك الشيطان يخلي اللحم و يجي ياكل الفول:_:

*رجل وصديقه عربيان ذهبو الي امريكا فمرو على طفلين يتكلمان باللغة الانجليزية فقال الرجل لصديقه انظر سبحان الله اولاد صغار يهدرو(يتكلمون) بالانجليزية:_:

*امرأة عجوز ذهبت الى الطبيب وقالت انا اشرب كأس ماء يخيل لي اني شربت كأسين وااكل تفاحة يخيل لي اني اكلت تفاحتين فقال الطبيب في المرة القادمة كلي نصف تفاحة سيخيل لك انك اكلت تفاحة واشربي نصف كاس ماء سيخيل لك انك شربت كاس فسالته عن الاجرة فقال400دج فافأعطته20دج فقال لماذا اعطيتني 20دج الاجرة 40دج فقالت العجوز لقد خيل لي اني اعطيتك 40دج (ههههههههه نصيحته عادت عليه):001_tt2:

*قالك وحد الطالب راح يجوز الباك قالك وصل روطار قالو العساس وش راح تجوز سونتيفيك ولا ازماتيك:_:

*قالك وحد الراجل عرض وليدو على الفطور وحطلو سخان تاع عدس وقالو يا وليدي كول العدس فيه الحديد.... وامبعدا وليدو عاود عرض باباه وحطلو الحديد وقالوكول الحديد فيه العدس:_:

*قالك وحد الاستاذ قالو للتلميذ ديالو كي تكبر وش تخرج قالو التلميذ نولي شيباني :_:

*وحد المعلم سقسا وحد التلميذ
قالو أعطيني شيء يتمدد بالحرارة ويتقلص بالبرودة
التلميذ قالو: العطلة يا أستاذ. في الشتاء 15 يوم وفي الصيف 3 أشهر:_:

*مرة أستاد قال للتلميد: اعطيلي 3 حيوانات زاحفة قالو: حنش ، حلزون ، خويا الصغير:_
*واحد حاب يتوب دار الحجاب:_

*تشاجر زوجان فقالت الزوجة فى غضب والله لو تزوجت ابليس لكان ارحم منك فقال لها حرام ان يتزوج الاخ اخته_
*-*-*-*::.....أتمنى ان شاء الله يكونوا عجبوكم و ماتكون انفجرت القنبلة ههههههههههههه:تقبلوا تحياتي وشكرا

هههههههههههههههههههههههههههههه

شكرا لك كثييييييييييييييير وجعله الله في ميزان حسناتك